1ܐܝܼܢܵܐ ܨܠܹܐܠܗَܘܿܢ ܐَܢܵܫܹ̈ܐ ܡ̣ܢ ܝܼܗܘܼܕ؛ ܘܡܵܠܦܝܼ ܗَܘܵܘ ܠܐܲܚܘܿܢܘܵܬܹ̈ܐ؛ ܕܐܸܢ ܠܵܐ ܗܵܘܝܼܬܘܿܢ ܓܙܝܼܪܹ̈ܐ ܒܥܵܕܲܬ ܕܢܵܡܘܿܣܵܐ؛ ܠܹܐ ܡܵܨܝܼܬܘܿܢ ܠܸܚܵܝܵܐ. 2ܘܟܲܕ ܗَܘܹܐ ܠܹܗ ܫܓ̣ܘܼܫܝܵܐ ܪܵܒܵܐ ܘܕܪܵܫܬܵܐ ܠܦܵܘܠܘܿܣ ܘܠܒܲܪܢܒ̣ܵܐ ܥܲܡܵܝܗܝ؛ ܥܒܼܸܕܠܗَܘܿܢ ܪܵܐܝܝܼ ܕܐܵܣܩܝܼ ܦܵܘܠܘܿܣ ܘܒܲܪܢܒ̣ܵܐ ܘܐَܚܹܪَ̈ܢܹܐ ܡܸܢܵܝܗܝ ܠܟܸܣ ܫܠܝܼܚܹ̈ܐ ܘܚܘܵܪ̈ܕܸܩܢܹܐ ܕܓܵܘ ܐܘܿܪܸܫܠܸܡ ܥܲܠ ܕܐܵܗܵܐ ܕܪܵܫܬܵܐ. 3ܘܡܘܼܦܫܸܛܵܝܠܵܗ̇ ܥܹܕܬܵܐ؛ ܘܐَܙܸܠܗَܘܿܢ ܓܵܘ ܦܹܘܢܝܼܩܹܐ ܘܫܵܡܪܹܝܢ؛ ܟܲܕ ܗܵܩܝܼ ܗَܘܵܘ ܥܲܠ ܕܝܵܪܬܵܐ ܕܛܵܝܸܦܹ̈ܐ؛ ܘܥܵܒ̣ܕܝܼ ܗَܘܵܘ ܚܲܕܘܼܬܵܐ ܓܘܼܪܬܵܐ ܠܟܠܵܝܗܝ ܐܲܚܘܿܢܘܵܬܹ̈ܐ. 4ܘܟܲܕ ܐَܬܹܐܠܗَܘܿܢ ܠܐܘܿܪܸܫܠܸܡ؛ ܦܸܫܠܗَܘܿܢ ܩܘܼܒܠܹܐ ܡ̣ܢ ܥܹܕܬܵܐ ܘܡ̣ܢ ܫܠܝܼܚܹ̈ܐ ܘܡ̣ܢ ܚܘܵܪ̈ܕܸܩܢܹܐ؛ ܘܗܘܼܩܹܐܠܗَܘܿܢ ܐܸܠܵܝܗܝ ܟܠ ܡܸܢܕܝܼ ܕܥܒܼܸܕܠܹܗ ܥܲܡܵܝܗܝ ܐܲܠܵܗܵܐ. 5ܐܝܼܢܵܐ ܩܸܡܠܗَܘܿܢ ܐَܢܵܫܹ̈ܐ ܐܵܢܝܼ ܕܗܘܼܡܸܢܹܐ ܗَܘܵܘ ܡ̣ܢ ܝܘܼܠܦܵܢܵܐ ܕܦܪ̈ܝܼܫܹܐ؛ ܘܐܵܡܪܝܼ؛ ܘܵܓ̰ܸܒ ܝܼܠܵܗ̇ ܠܸܓܙܵܪܵܝܗܝ؛ ܘܠܦܵܩܘܿܕܵܝܗܝ ܕܢܵܛܪܝܼ ܢܵܡܘܿܣܵܐ ܕܡܘܼܫܹܐ. 6ܘܓ̰ܡܝܼܥܠܗَܘܿܢ ܫܠܝܼܚܹ̈ܐ ܘܚܘܵܪ̈ܕܸܩܢܹܐ ܕܚܵܙܝܼ ܥܲܠ ܕܐܵܗܵܐ ܗܹܡܸܙܡܲܢ. 7ܘܟܲܕ ܗَܘܹܐܠܵܗ̇ ܕܪܵܫܬܵܐ ܪܵܒܵܐ؛ ܩܸܡܠܹܗ ܟܹܐܦܵܐ؛ ܘܐَܡܸܪܹܗ ܐܸܠܵܝܗܝ. ܓܲܒܼܪܹ̈ܐ ܐܲܚܘܿܢ̈ܘܵܬܲܢ؛ ܐܲܚܬܘܿܢ ܒܝܼܕܲܥܝܵܐ ܝܬܘܿܢ ܕܡ̣ܢ ܝܵܘܡܵܢܹܐ ܩܵܕَܡܵܝܹ̈ܐ؛ ܡ̣ܢ ܦܘܼܡܵܐ ܕܝܼܠَܝܼ ܐܲܠܵܗܵܐ ܓܵܘܵܘܟ̣ܘܿܢ ܓܘܼܒܹܐܠܹܗ ܕܫܲܡܥܝܼ ܛܵܝܸܦܹ̈ܐ ܗܹܡܸܙܡܵܢ ܕܡܲܫܚܲܕܬܵܐ ܘܗܲܡܸܢܝܼ. 8ܘܐܲܠܵܗܵܐ؛ ܝܲܕܥܵܢܵܐ ܕܠܸܒܵܘܵܬܹ̈ܐ؛ ܝܘܼܗَܒܼܸܠܹܗ ܣܵܗܕܘܼܬܵܐ ܥܲܠܵܝܗܝ؛ ܘܝܘܼܗَܒܼܸܠܹܗ ܐܸܠܵܝܗܝ ܪܘܼܚܵܐ ܕܩܘܼܕܫܵܐ؛ ܐܲܝܟܼ ܕܐܘܼܦ ܐܸܠܲܢ. 9ܘܠܵܐ ܦܪܸܫܠܹܗ ܒܹܝܠܲܢ ܘܠܐܵܢܝܼ؛ ܣܵܒܵܒ ܕܕܘܼܟܼܹܐ ܠܹܗ ܒܗܲܝܡܵܢܘܼܬܵܐ ܠܸܒܵܘܵܬܵܝ̈ܗܝ. 10ܘܐܵܕܝܼܵܐ ܐܲܚܬܘܿܢ ܩܵܡܘܿܕܝܼ ܓ̰ܵܪܘܿܒܹܐ ܝܬܘܿܢ ܠܐܲܠܵܗܵܐ؛ ܕܡܲܬܒ̣ܝܼܬܘܿܢ ܢܝܼܪܵܐ ܥܲܠ ܩܕܵܠܵܐ ܕܬܲܠܡܝܼܕܹ̈ܐ؛ ܗ̇ܘ ܕܐܘܼܦ ܠܵܐ ܐܲܒ̣̈ܗܵܬܲܢ؛ ܐܘܼܦ ܠܵܐ ܐܲܚܢܲܢ ܡܨܹܐܠܲܢ ܠܸܛܥܵܢܵܐ. 11ܐܸܠܵܐ ܒܫܵܦܵܩܲܬܹܗ ܕܡܵܪܲܢ ܝܼܫܘܿܥ؛ ܗܲܡܘܼܢܹܐ ܝܘܲܚ ܠܸܦܝܵܫܵܐ ܦܘܼܪܩܹܐ ܐܲܝܟܼ ܐܵܢܝܼ. 12ܘܫܬܸܩܠܗَܘܿܢ ܟܠܹܗ ܟܸܢܫܵܐ؛ ܘܫܲܡܥܝܼ ܗَܘܵܘ ܠܦܵܘܠܘܿܣ ܘܠܒܲܪܢܒ̣ܵܐ؛ ܕܗܵܩܝܼ ܗَܘܵܘ ܟܠ ܡܸܢܕܝܼ ܕܥܒܼܸܕܠܹܗ ܐܲܠܵܗܵܐ ܒܐܝܼܕܵܬܵܝ̈ܗܝ؛ ܢܝܼܫܲܢܩܹ̈ܐ ܘܥܵܓ̰ܸܒܘܼܝܵܬܹ̈ܐ ܓܵܘ ܛܵܝܸܦܹ̈ܐ. 13ܘܒܵܬَܪ ܕܫܬܸܩܠܗَܘܿܢ؛ ܩܸܡܠܹܗ ܝܲܥܩܘܿܒ̣ ܘܐَܡܸܪܹܗ. ܓܲܒܼܪܹ̈ܐ ܐܲܚܘܿܢ̈ܘܵܬܲܢ؛ ܫܡܸܥܡܘܿܢ ܠܝܼ. 14ܫܸܡܥܘܿܢ ܗܘܼܩܹܐܠܹܗ ܐܸܠܵܘܟ̣ܘܿܢ ܕܵܐܟ̣ܝܼ ܩܵܕَܡܵܝܬܵܐ ܐܲܠܵܗܵܐ ܓܘܼܒܹܐܠܹܗ ܡ̣ܢ ܛܵܝܸܦܹ̈ܐ ܕܗܵܘܝܼ ܛܵܝܸܦܵܐ ܠܫܸܡܹܗ. 15ܘܒܐܵܗܵܐ ܟܹܐ ܫܵܠܡܝܼ ܗܹܡܸܙܡܵܢܹ̈ܐ ܕܢܒ̣̈ܝܹܐ؛ ܕܵܐܟ̣ܝܼ ܕܝܼܠܹܗ ܟܬܝܼܒ̣ܵܐ. 16ܡ̣ܢ ܒܵܬَܪ ܐܲܢܹܐ ܒܸܬ ܕܵܝܪܸܢ؛ ܘܒܸܬ ܒܵܢܸܢ ܡܸܢَܕܪܸܫَ ܡܵܫܸܟܢܹܗ ܕܕܵܘܝܼܕ ܕܝܼܠܹܗ ܢܦܝܼܠܵܐ؛ ܘܒܸܬ ܒܵܢܸܢ ܡܸܢَܕܪܸܫَ ܡܢܕܝܼ ܕܢܦܸܠܹܗ ܡܸܢܹܗ؛ ܘܒܸܬ ܡܲܩܸܡܸܢܹܗ. 17ܕܵܐܟ̣ܝܼ ܕܛܵܥܝܼ ܐَܚܹܪَ̈ܢܹܐ ܕܒܢܲܝ̈ܢܵܫܵܐ ܠܡܵܪܝܵܐ؛ ܘܟܠܵܝܗܝ ܛܵܝܸܦܹ̈ܐ؛ ܕܦܸܫܠܹܗ ܩܸܪܝܵܐ ܫܸܡܝܼ ܥܲܠܵܝܗܝ. ܒܹܐܡܵܪܵܐ ܝܠܹܗ ܡܵܪܝܵܐ؛ ܕܥܒܼܸܕܠܹܗ ܐܲܢܹܐ ܟܠܵܝܗܝ 18ܦܝܼܫܹܐ ܝَܢܵܐ ܝَܕܸܥܝܹܐ ܡ̣ܢ ܥܵܠܲܡ ܦܘܼܠܚܵܢܹ̈ܐ ܕܐܲܠܵܗܵܐ. 19ܣܵܒܵܒ ܕܐܵܗܵܐ ܐܵܢܵܐ ܒܹܐܡܵܪܵܐ ܝܘܸܢ؛ ܕܠܵܐ ܝܵܗَܒ̣ܵܚ ܙܲܗܡܲܬ ܠܐܵܢܝܼ ܕܡ̣ܢ ܛܵܝܸܦܹ̈ܐ ܕܵܝܪܝܼ ܠܟܸܣ ܐܲܠܵܗܵܐ. 20ܐܸܠܵܐ ܕܦܵܝܸܫ ܫܘܼܕܪܵܐ ܠܟܸܣܠܵܝܗܝ ܕܦܵܪܩܝܼ ܡ̣ܢ ܛܲܡܐܘܼܬܵܐ ܕܨܵܢܲܡܹ̈ܐ؛ ܘܡ̣ܢ ܙܵܢܝܘܼܬܵܐ؛ ܘܡ̣ܢ ܚܢܝܼܩܵܐ؛ ܘܡ̣ܢ ܕܸܡܵܐ. 21ܣܵܒܵܒ ܡܘܼܫܹܐ ܡ̣ܢ ܕܵܘܪܹ̈ܐ ܩܵܕَܡܵܝܹ̈ܐ ܐܝܼܬ ܗَܘܵܐ ܠܹܗ ܓܵܘ ܟܠ ܟܵܪ̈ܘܿܙܹܐ ܕܓܵܘ ܟܢܘܼܫܝܵܬܹ̈ܐ ܒܟܠܵܝܗܝ ܫܲܒܵܬܹ̈ܐ ܟܹܐ ܩܵܪܝܼ ܠܹܗ. 22ܗ̇ܝܓܵܗ ܫܠܝܼܚܹ̈ܐ ܘܩܲܕܝܼܫܹ̈ܐ ܥܲܡ ܟܠܵܗ̇ ܥܹܕܬܵܐ ܓܘܼܒܹܐܠܗَܘܿܢ ܓܲܒܼܪܹ̈ܐ ܡܸܢܵܝܗܝ؛ ܘܫܘܼܕܪܝܼܠܗَܘܿܢ ܠܐܲܢܝܘܿܟܼܝ ܥܲܡ ܦܵܘܠܘܿܣ ܘܒܲܪܢܒ̣ܵܐ ܠܝܼܗܘܼܕܵܐ ܕܦܝܵܫܵܐ ܝܠܹܗ ܩܸܪܝܵܐ ܒܲܪܫܲܒܵܐ؛ ܘܠܫܝܼܠܵܐ؛ ܓܲܒܼܪܹ̈ܐ ܪܹ̈ܫܵܝܹܐ ܗَܘܵܘ ܓܵܘ ܐܲܚܘܿܢܘܵܬܹ̈ܐ. 23ܘܟܬܸܒ̣ܠܗَܘܿܢ ܐܸܓܲܪܬܵܐ ܒܐܝܼܕܵܬܵܝ̈ܗܝ ܗܲܕܟ̣ܵܐ؛ ܫܠܝܼܚܹ̈ܐ ܘܚܘܵܪ̈ܕܸܩܢܹܐ ܘܐܲܚܘܿܢܘܵܬܹ̈ܐ ܠܐܵܢܝܼ ܕܝܼܢܵܐ ܓܵܘ ܐܵܢܛܝܘܿܟ̣ܝ ܘܓܵܘ ܣܘܼܪܝܼܵܐ ܘܓܵܘ ܩܝܼܠܝܼܩܝܼܵܐ؛ ܐܲܚܘܿܢܘܵܬܹ̈ܐ ܕܡ̣ܢ ܛܵܝܸܦܹ̈ܐ؛ ܫܠܵܡܵܐ. 24ܣܵܒܵܒ ܫܡܸܥܠܲܢ ܕܐَܢܵܫܹ̈ܐ ܡܸܢܲܢ ܦܠܸܛܠܗَܘܿܢ ܘܩܲܡ ܚܵܒ̣ܛܝܼ ܠܵܘܟ̣ܘܿܢ ܒܗܹܡܸܙܡܵܢܹ̈ܐ؛ ܡܲܕܘܼܪܹܐ ܓܵܢܵܬܵܘ̈ܟ̣ܘܿܢ ܟܲܕ ܒܹܐܡܵܪܵܐ؛ ܕܗܵܘܝܼܬܘܿܢ ܒܸܓܙܵܪܵܐ ܘܢܛܵܪܵܐ ܢܵܡܘܿܣܵܐ؛ ܐܲܝܢܝܼ ܐܲܚܢܲܢ ܠܵܐ ܦܘܼܩܸܕܠܲܢ ܐܸܠܵܝܗܝ. 25ܒܘܼܬܿ ܕܐܵܗܵܐ ܡܘܼܚܫܸܚܠܲܢ ܟܲܕ ܓ̰ܡܸܥܠܲܢ ܘܓܘܼܒܹܐܠܲܢ ܓܲܒܼܪܹ̈ܐ؛ ܘܫܘܼܕܸܪܲܢ ܠܟܸܣܠܵܘܟܼܘܿܢ ܥܲܡ ܦܵܘܠܘܿܣ ܘܒܲܪܢܒ̣ܵܐ ܡܘܼ̈ܚܸܒܲܢ. 26ܐَܢܵܫܹ̈ܐ ܕܣܘܼܦܹܐܠܗَܘܿܢ ܓܵܢܵܬܵܝ̈ܗܝ ܩܵܐ ܒܘܼܬܿ ܕܫܸܡܹܗ ܕܡܵܪܲܢ ܝܼܫܘܿܥ ܡܫܝܼܚܵܐ. 27ܘܫܘܼܕܸܪܲܢ ܥܲܡܵܝܗܝ ܠܝܼܗܘܼܕܵܐ ܘܠܫܝܼܠܵܐ؛ ܕܐܲܢܹܐ ܒܗܹܡܸܙܡܵܢ ܐܵܡܪܝܼ ܠܵܘܟ̣ܘܿܢ ܗܲܪ ܐܲܢܹܐ ܡܸܢܕܝܵܢܹ̈ܐ. 28ܣܵܒܵܒ ܕܒܣܸܡܠܵܐ ܠܹܗ ܪܘܚܵܐ ܕܩܘܼܕܫܵܐ؛ ܘܐܘܼܦ ܐܲܚܢܲܢ؛ ܕܠܵܐ ܦܵܝܸܫ ܡܘܼܬܒ̣ܵܐ ܥܲܠܵܘܟ̣ܘܿܢ ܝܘܼܩܪܵܐ ܙܵܘܕܵܐ؛ ܠܒܲܕܲܪ ܡܐܲܢܹܐ ܕܝܼܢܵܐ ܠܵܙܸܡ. 29ܕܪܵܚܩܝܼܬܘܿܢ ܡ̣ܢ ܕܕܒ̣ܝܼܚܵܐ ܠܨܵܢܲܡܹ̈ܐ؛ ܘܡ̣ܢ ܕܸܡܵܐ؛ ܘܡ̣ܢ ܚܢܝܼܩܹ̈ܐ؛ ܘܡ̣ܢ ܙܵܢܝܘܼܬܵܐ؛ ܕܟܲܕ ܢܵܛܪܝܼܬܘܿܢ ܓܵܢܵܘܟ̣ܘܿܢ ܡܐܲܢܹܐ؛ ܨܦܵܝܝܼ ܒܸܬ ܥܵܒ̣ܕܝܼܬܘܿܢ؛ ܗَܘܹܐܡܘܿܢ ܫܲܪܝܼܪܹ̈ܐ ܒܡܵܪܲܢ. 30ܐܝܼܢܵܐ ܐܵܢܝܼ ܟܲܕ ܦܝܼܫܠܗَܘܿܢ ܫܘܼܕܪܹܐ؛ ܐَܬܹܐܠܗَܘܿܢ ܠܐܵܢܛܝܘܿܟ̣ܝ؛ ܘܓ̰ܘܼܡܸܥܠܹܗ ܟܠܹܗ ܟܸܢܫܵܐ؛ ܘܝܸܗܒ̣ܵܠܗَܘܿܢ ܐܸܓܲܪܬܵܐ. 31ܘܟܲܕ ܩܸܪܝܵܠܗَܘܿܢ؛ ܚܕܹܐܠܗَܘܿܢ ܒܝܵܗَܒܲܠܬܵܐ ܕܠܸܒܵܐ. 32ܒܗܲܡܙܲܡܬܵܐ ܪܵܒܵܐ ܝܸܗَܒܸܠܗَܘܿܢ ܠܸܒܵܐ ܚܘܼܠܸܢܵܝܠܗَܘܿܢ ܠܐܲܚܘܿܢܘܵܬܹ̈ܐ ܘܡܘܼܩܘܝܼܵܝܠܗَܘܿܢ؛ ܒܹܝܬܼ ܝܼܗܘܼܕܵܐ ܘܫܝܼܠܵܐ؛ ܣܵܒܵܒ ܐܘܼܦ ܐܵܢܝܼ ܢܒ̣̈ܝܹܐ ܗَܘܵܘ؛ 33ܘܟܲܕ ܗَܘܹܐܠܗَܘܿܢ ܬܵܡܵܐ ܚܲܕَ ܙܲܒ̣ܢܵܐ؛ ܫܘܼܕܪܵܝܠܗَܘܿܢ ܐܲܚܘܿܢܘܵܬܹ̈ܐ ܒܫܠܵܡܵܐ ܠܟܸܣ ܫܠܝܼܚܹ̈ܐ. (34ܐܝܼܢܵܐ ܫܝܼܠܵܐ ܒܣܸܡܠܵܐ ܠܹܗ ܕܦܵܐܸܫ ܗَܘܵܐ ܬܵܡܵܐ.) 35ܐܝܼܢܵܐ ܦܵܘܠܘܿܣ ܘܒܲܪܢܒ̣ܵܐ ܥܘܼܪܩܸܠܗَܘܿܢ ܓܵܘ ܐܵܢܛܝܘܿܟ̣ܝ؛ ܡܵܠܘܿܦܹܐ ܘܡܲܫܚܘܼܕܹܐ ܥܲܡ ܪܵܒܵܐ ܐَܚܹܪَ̈ܢܹܐ ܗܹܡܸܙܡܵܢ ܕܡܵܪܝܵܐ. 36ܘܒܵܬَܪ ܚܲܕَܟܡܵܐ ܝܵܘܡܵܢܹ̈ܐ ܐَܡܸܪܹܗ ܦܵܘܠܘܿܣ ܠܒܲܪܢܒ̣ܵܐ؛ ܕܵܝܪܲܚ ܘܬܵܦܩܲܚ ܒܐܲܚܘܿܢ̈ܘܵܬܲܢ ܕܒܟܠ ܡܕܝܼܢَܬܵܐ ܕܡܘܼܟܪܸܙܠܲܢ ܓܵܘܵܗ̇ ܗܹܡܸܙܡܵܢ ܕܡܵܪܝܵܐ؛ ܘܚܵܙܲܚ ܕܵܐܟ̣ܝܼ ܝܢܵܐ. 37ܐܝܼܢܵܐ ܒܲܪܢܒ̣ܵܐ ܒܲܥܝܹܐ ܗَܘܵܐ ܕܠܵܒܸܠ ܠܝܘܿܚܲܢܵܢ؛ ܗ̇ܘ ܕܦܸܫܠܹܗ ܩܸܪܝܵܐ ܡܵܪܩܘܿܣ. 38ܐܝܼܢܵܐ ܦܵܘܠܘܿܣ ܠܵܐ ܒܣܸܡܠܵܐ ܠܹܗ ܕܠܵܒܸܠ ܗَܘܵܐ ܠܹܗ ܥܲܡܵܝܗܝ؛ ܣܵܒܵܒ ܗ̇ܘ ܕܫܒ̣ܝܼܩܵܝ ܗَܘܵܐ ܟܲܕ ܐܵܢܝܼ ܓܵܘ ܦܲܡܦܹܘܠܝܼܵܐ؛ ܘܠܵܐ ܐَܙܹܠܹܗ ܥܲܡܵܝܗܝ. 39ܒܘܼܬܿ ܕܐܵܗܵܐ ܡܲܩܲܪܵܨܘܼܬܵܐ؛ ܕܦܪܸܫܠܗَܘܿܢ ܚܲܕَ ܥܲܡ ܗ̇ܘ ܐَܚܹܪَܢܵܐ؛ ܘܒܲܪܢܒ̣ܵܐ ܠܘܼܒܸܠܹܗ ܠܡܵܪܩܘܿܣ؛ ܘܪَܚܸܫܠܗَܘܿܢ ܒܝܵܡܵܐ ܠܩܸܘܦܪܘܿܣ. 40ܐܝܼܢܵܐ ܦܵܘܠܘܿܣ ܓܘܼܒܹܐܠܹܗ ܠܫܝܼܠܵܐ؛ ܘܦܠܸܛܠܹܗ؛ ܟܲܕ ܣܘܼܦܝܵܐ ܡ̣ܢ ܐܲܚܘܿܢܘܵܬܹ̈ܐ ܠܫܵܦܵܩܲܬ ܕܐܲܠܵܗܵܐ. 41ܘܐَܙܹܠܹܗ ܓܵܘ ܣܘܼܪܝܼܵܐ ܘܩܝܼܠܝܼܩܝܼܵܐ؛ ܘܡܲܩܘܹܐ ܗَܘܵܐ ܥܹܕܵܬܹ̈ܐ.